Əks yola çıxan sürücülər avtobusun qarşısını kəsib sərnişinlərə təhlükə yaratdı - VİDEO

Bakıda qayda pozaraq təhlükə yaradan avtomobillərin görüntülərini sürücülərdən biri qeydə alaraq redaksiyamızın qaynar xəttinə göndərib. Avtosfer.az xəbər verir ki, hadisə fevralın 18-də, paytaxtın Tofiq Abbasov və Davud Aslan küçələrində qeydə alınıb.

Səhər saatlarında yolun yüklü olduğu vaxtda sıxlıqda qalmaq istəyəməyən sürücülər əks yola çıxıblar. Belə ki, 99-TV-972 qeydiyyat nişanlı "Opel" markalı və 99-SY-481 qeydiyyat nişanlı "Chevrolet" markalı avtomobillərin sürücüləri Tofiq Abbasov küçəsində əks istiqamətə çıxıblar.

10-FB-727 qeydiyyat nişanlı "Mercedes, markalı, 77-EN-853 qeydiyyat nişanlı "BMW" markalı, 99-OX-450 qeydiyyat nişanlı "Hyundai" markalı və 99-OL-654 qeydiyyat nişanlı "Renault" markalı avtomobillərin sürücüləri isə Davud Aslan küçəsində əks yola çıxaraq qarşıdan gələn nəqliyyat vasitələrinə təhlükə yaradıblar. "Mercedes" və "BMW" markalı avtomobillərin sürücüləri avtobusdan düşən sərnişinlərə də təhlükə yaradıblar.

Sözügedən videonu təqdim edirik.

Fərid