Əks yola çıxan “VAZ” yük maşınıyla toqquşmaqdan son anda qurtuldu - VİDEO

Samux rayonu ərazisində yol hərəkəti qaydalarını kobud şəkildə pozan sürücü avtomobil kamerasına düşüb.

Avtosfer.az-ın məlumatına görə, hadisə oktyabrın 3-də saat 14:58 radələrində qeydə alınıb. Videogörüntülərdən aydın olur ki, 51-BB-856 dövlət nömrə nişanlı “VAZ-2106” markalı avtomobilin sürücüsü bütöv xəttin tələbini pozaraq əks istiqamətli yola çıxıb. Bu zaman o, qarşıdan gələn “Ford Transit” markalı yük maşınının hərəkətinə maneə yaradıb.
Toqquşmadan yayınmaq üçün sağa manevr edən “VAZ” sürücüsü qəzadan son anda xilas olub.

Belə halların təkrarlanmaması üçün sürücülərdən yol nişanları və xəttin tələblərinə ciddi riayət etmələri tövsiyə olunur. Unutmaq olmaz ki, bir saniyəlik məsuliyyətsizlik həm sürücünün, həm də başqalarının həyatına təhlükə yarada bilər.

Nərmin