Əks yola çıxıb qırmızda keçən taksi sürücüsü piyadaların üzərinə sürdü - VİDEO

Xırdalan şəhərində baş verən təhlükəli qayda pozuntusu sürücülər və piyadalar üçün ciddi təhlükə yaradıb. Avtosfer.az xəbər verir ki, hadisə Heydər Əliyev prospektində qeydə alınıb.

Məlumata görə, 99-BG-536 qeydiyyat nişanlı "Toyota" markalı avtomobilin sürücüsü yol hərəkəti qaydalarına əməl etməyərək bir neçə kobud qanun pozuntusuna yol verib. O, əvvəlcə qəfil manevr edərək görüntünü qeydə alan avtomobilin qarşısına keçib və təhlükəli vəziyyət yaradıb. Daha sonra isə, qoşa xəttin tələbini pozaraq əks istiqamətli hərəkət zolağında axına qarşı hərəkət edib.

Sürücünün qayda pozuntuları bununla da bitməyib. O, nizamlanan piyada keçidində qırmızı işıqda dayanmayaraq piyadaların hərəkətinə mane olub.

Sözügedən videonu təqdim edirik.

Fərid