Əks yola çıxıb “şou” göstərən sürücü dəfələrlə təhlükə yaratdı - 99-PU-125 - VİDEO

Paytaxtın Yasamal rayonu Əsəd Əhmədov küçəsində qaydaları kobud şəkildə pozan sürücü görüntülənib.

Avtosfer.az-ın məlumatına görə, 99-PU-125 dövlət nömrə nişanlı “Saipa” markalı avtomobilin sürücüsü yolda sərt manevrlər edib. Belə ki, o, hərəkətdə olduğu zolaqdan anidən əks istiqamətli yola keçib və bu zaman “Toyota Prius” markalı maşına təhlükə yaradıb. “Şou” göstərən sürücü axına qarşı hərəkətinə davam edib. Eyni zamanda o, avtomobili dövlət nömrə nişanı olmadan idarə edib. 

Qeyd edək ki, sürücünün törətdiyi xəta avtoxuliqanlıq göstəricilərinə əsaslandığı üçün İnzibati Xətalar Məcəlləsinin 511.1-ci maddəsiylə nizamlana bilər. 

Nərmin