Əks yola çıxıb təhlükə yaradan sürücü: “Belə tıxacda başqa çıxış yolu yoxdur” - VİDEO

Sürücü törətdiyi qayda pozuntusunu sosial şəbəkə hesabında paylaşıb.

Avtosfer.az-ın məlumatına görə, hadisə bir müddət əvvəl Xətai rayonu Sadıqcan küçəsində qeydə alınıb. Görüntüdən aydın olduğu kimi, 10-LY-115 dövlət nömrə nişanlı “BMW” markalı avtomobilin sürücüsü yolda yaranmış sıxlıq səbəbi ilə əks istiqamətli yola çıxaraq axına qarşı hərəkət edib. Bu zaman o, əks tərəfdən gələn nəqliyyat vasitələrinin hərəkətinə əngəl törədib və özünü çətin vəziyyətə salıb. Belə ki, sürücü qarşıdan gələn nəqliyyat vasitələrinə yol vermək üçün park edilmiş maşınların dəfələrlə önündə saxlayıb. Daha sonra isə məcbur qalaraq öz zolağına qayıtmalı olub.

Qeyd edək ki, sürücü rəy bölməsinə “belə tıxacda başqa çıxış yolu yoxdur” yazaraq törətdiyi xətaya haqq qazandırıb.

Nərmin