Əks yolla gələn “Changan” qəza təhlükəsi yaradıb, sürücünü özündən çıxardı - VİDEO

Paytaxtın Xətai rayonu, Köhnə Günəşli qəsəbəsində kobud qayda pozan sürücü avtomobilin kamerasına düşüb.

Avtosfer.az-ın məlumatına görə, hadisə sentyabrın 18-də saat 06:36 radələrində İnqilab İsmayılov küçəsində qeydə alınıb. Kadrdan göründüyü kimi, 77-SD-808 dövlət nömrə nişanlı “Changan” markalı avtomobilin sürücüsü əks istiqamətli yola çıxaraq axına qarşı hərəkət edib. Bu zaman o, görüntünü qeydə alan sürücüyə qəza şəraiti yaradıb. Xoşbəxtlikdən təhlükəylə üzləşən sürücü avtomobili vaxtında görərək dayanıb və qəzəblənərək ona iradını bildirib.

Qeyd edək ki, əks yola çıxmaq yol hərəkəti qaydalarının ciddi pozuntusudur və qəza riskini xeyli artırır. Belə hərəkətlər inzibati məsuliyyətə səbəb olmaqla yanaşı, hər bir yol iştirakçısının həyatını təhlükə altına salır. Bu baxımdan sürücülərə tövsiyə olunur ki, əks yola çıxmadan əvvəl yol nişanlarını, manevr üçün şəraiti və gələn nəqliyyat axınını nəzərə alsınlar.

Nərmin