Əlində içki şüşəsi ilə yol polisinə "hava atan" sürücü saxlanıldı - VİDEO

Sükan arxasında içki şüşəsi ilə video çəkib sosial şəbəkələrdə izləyicilərin marağını cəlb etmək istəyən sürücü saxlanılıb. Bu barədə Bakı şəhər Dövlət Yol Polisi İdarəsindən məlumat verilib. İdarənin bölmə rəisi, polis polkovniki Vaqif Əsədov açıqlamasında bilidirib ki, sosial şəbəkələrdə, xüsusilə Avtosfer.az saytında "sükan arxasında əlində içki şüşəsi ilə yol polisinə "hava atan" sürücü" - adlı məqalə ilə əlaqəli araşdırma aparılıb. Məqalədə göstərilən 90-KY-140 qeydiyyat nişanlı "Chevrolet" markalı avtomobilin sürücüsü aşkarlanıb və Dövlət Yol Polisi İdarəsinə dəvət olunaraq törətdiyi xəta ilə bağlı izahatı alınıb. Sürücü Elçin Babayev səmimi peşmançılıqla törətdiyi xətanı etiraf edib və həmin xəta ilə bağlı qanunda göstərilən tələblər üzrə inzibati tənbeh tətbiq edilib. 
Sürücü E.Babayev bir daha belə hərəkətlərə yol verməyəcəyini  də əlavə olaraq bildirib.

Nərminə Əli