Əmircanda əks yola çıxan sürücü qayda pozduğuna peşman oldu - VİDEO

Paytaxtın Suraxanı rayonu İ.Məmmədov küçəsində qayda pozan sürücü kameraya düşüb.

Avtosfer.az-ın məlumatına görə, hadisə bir neçə gün öncə səhər saatlarında qeydə alınıb. Videodan göründüyü kimi, 20-EU-076 dövlət nömrə nişanlı “Chevrolet Cruze” markalı avtomobilin sürücüsü əks istiqamətli yola çıxaraq axına qarşı hərəkət edib. Lakin tıxacda qalmamaq üçün qarşı tərəfə keçən sürücü bir müddət sonra dayanmağa məcbur olub. Belə ki, o, dəmiryolu keçidinə çatdığı zaman digər hərəkət iştirakçıları kimi qatarın keçməsini gözləyib.

Xatırladaq ki, bu qayda pozuntusuna görə İnzibati Xətalar Məcəlləsinin 327.4-cü maddəsinə əsasən 4 bal və 150 manat məbləğində cərimə nəzərdə tutulub.

Nərmin