Eyni anda iki kobud qayda pozan sürücü təhlükə yaratdı - VİDEO

Xırdalan şəhərində yol hərəkəti qaydalarını kobud şəkildə pozan sürücü qəza şəraiti yaradıb. Avtosfer.az xəbər verir ki, hadisə Mehdi Hüseynzadə küçəsində qeydə alınıb.

Belə ki, 01-CO-390 qeydiyyat nişanlı "KIA" markalı avtomobilin sürücüsü nəqliyyat vasitəsini ikinci cərgədə saxlayaraq qaydaları pozub. Bununla kifayətlənməyən sürücü, arxa güzgülərə nəzarət etmədən qəfil qapını açaraq avtomobildən düşməyə cəhd edib. Nəticədə, həmin anı videoya çəkən digər sürücü üçün təhlükəli vəziyyət yaranıb.

"Yol hərəkəti haqqında" qanunda qeyd olunub ki, nəqliyyat vasitəsi qapılarının açılması yol hərəkətinin digər iştirakçıları üçün maneə yaradarsa, onları açmaq qadağandır.

Fərid