Eyni anda iki qayda pozan sürücü hərəkəti çətinləşdirdi - 99-KU-717 - VİDEO

Paytaxtın Binəqədi rayonu, Süleyman Sani Axundov və Abay Kunanbayev küçələrinin kəsişməsində qayda pozan sürücü lentə alınıb.

Avtosfer.az-ın məlumatına görə, hadisə oktyabrın 24-də səhər saatlarında qeydə alınıb. Videodan göründüyü kimi, 99-KU-717 dövlət nömrə nişanlı “Khazar” markalı avtomobilin sürücüsü dayanma-durma qaydasını pozub. Belə ki, o, maşını avtobus dayanacağında saxlayaraq ictimai nəqliyyat vasitələrinə əngəl törədib. Eyni zamanda sürücü avtomobili döngədə park etdiyi üçün digər maşınların hərəkətinə çətinlik yaradıb və təhlükəyə səbəb olub. 

Qeyd edək ki, qanunvericiliyə görə, avtobus dayanacaqlarında və döngələrdə dayanmaq qadağandır. Belə hərəkətlər yalnız digər sürücülərin və sərnişinlərin hərəkətini çətinləşdirmir, həm də sürücüyə inzibati cərimə və hüquqi məsuliyyət gətirir.

Nərmin