Füzuli küçəsində skuter sürücüsünün hərəkəti qəza vəziyyəti yaratdı - VİDEO

Paytaxtda təhlükəli hadisə qeydə alınıb.

Avtosfer.az xəbər verir ki, Qış parkının qarşısında, Füzuli küçəsində skuter sürücüsü əks istiqamətə çıxaraq avtomobillərin arası ilə hərəkət edib.

Hadisə şahidləri bildirirlər ki, sürücünün bu məsuliyyətsiz davranışı yolda hərəkət edən nəqliyyat vasitələrinin sürücülərini çaşdırıb və qəza təhlükəsi yaradıb. Xüsusilə sıx hərəkət olan bu ərazidə əks istiqamətdə hərəkət etməsi digər sürücülərin ani manevrlər etməsinə səbəb olub.

Qeyd edək ki, skuter və digər iki təkərli nəqliyyat vasitələrinin sürücülərinin yol hərəkəti qaydalarına əməl etməməsi son vaxtlar paytaxt yollarında tez-tez müşahidə olunur.

Ekspertlər hesab edirlər ki, belə halların qarşısını almaq üçün həm nəzarət gücləndirilməli, həm də ictimai maarifləndirmə tədbirləri artırılmalıdır.

Eltac Zülfüqaroğlu