Füzulidə ölümə tələsən sürücüdən riskli ötmə əməliyyatı – 19-BH-566 - VİDEO

Füzuli rayonunda ölümə tələsən sürücünün təhlükəli ötmə əməliyyatı aparması kameraya düşüb. Avtosfer.az xəbər verir ki, Füzuli rayonu ərazisində yüksək sürətlə hərəkətdə olan “Mercedes” markalı, 19-BH-566 dövlət nömrə nişanlı avtomobilin sürücüsü özünü və avtomobildə olan sərnişinləri təhlükəyə atıb. O, iki yük avtomobilinin qarşı-qarşı hərəkətdə olduğu bir anda qəflətən ötmə əməliyyatı aparıb. Sürücü iki yük avtomobilinin arasından keçərək hərəkəti davam edirib.

Videodan da göründüyü kimi, yük avtomobillərinin sürücüləri sürəti azaldaraq maşını sağa çəkib yol verməsəydi dəhşətli qəza qaçılmaz idi.

Ehtimal olunur ki, “Mercedes”in sürücüsü taksi fəaliyyəti ilə məşğul olur və ünvana daha tez çatmaq, gün ərzində 2-3 reys etmək üçün maşını hər zaman bu qaydada sürür. Belələri çoxdur.

Ümid edirik ki, DYP bu sürücü barəsində ciddi tədbir görəcək.

Elmin