Gah sola, gah sağa keçən “Tesla” sürücüsü yol boyu təhlükə saçdı - VİDEO

Paytaxtın Heydər Əliyev prospektində yol hərəkəti qaydalarını kobud şəkildə pozan sürücü kameraya düşüb.

Avtosfer.az-ın məlumatına görə, hadisə sentyabrın 8-də saat 13:08 radələrində qeydə alınıb. Kadrlardan görünür ki, 77-PZ-357 dövlət nömrə nişanlı “Tesla” markalı avtomobilin sürücüsü gah sağ, gah sol zolağa manevr edərək avtomobillərin arasından keçib. O, bu manevrini dəfələrlə təkrarlayıb.

Xatırladaq ki, bu cür qəfil və ardıcıl zolaq dəyişmələri digər hərəkət iştirakçıları üçün gözlənilməz vəziyyət yaradır və toqquşma riskini artırır. Sürücülər manevr etməzdən əvvəl yol şəraitini və digər nəqliyyat vasitələrinin hərəkətini nəzərə almalı, zolaq dəyişərkən təhlükəsiz məsafəni və hərəkət ardıcıllığını qorumalıdırlar.

Nərmin