Gecə əks yolda bir-birinin ardınca şütüyən sürücülər təhlükə saçdı - VİDEO

Paytaxtın Atatürk prospektində kobud qayda pozan sürücülər avtomobilin kamerasına düşüb. 

Avtosfer.az-ın məlumatına görə, hadisə fevralın 1-də saat 23:45 radələrində baş verib.

Videodan görünür ki, “Hyundai” və “Opel” markalı avtomobillərin sürücüləri qoşa xəttin tələbini pozaraq əks istiqamətli yola çıxıblar. Xoşbəxtlikdən görüntünü qeydə alan sürücü sağ zolaqda hərəkətdə olduğu üçün qəza riskindən yan keçib.

Xatırladaq ki, bu qayda pozuntusu İnzibati Xətalar Məcəlləsinin 327.4-cü maddəsinə əsasən 4 bal və 150 manat cəriməylə nəticələnir.

Nərmin