Gecə yük maşınının işıqlarını söndürən sürücü yolda təhlükə saçdı - VİDEO

Hacıqabul rayonu, Nəvahı qəsəbəsində qayda pozan sürücü görüntülənib.

İzləyicilərdən biri Avtosfer.az-ın “Whatsapp” ünvanına videomaterial göndərərək məlumat verib.

Belə ki, 99-YL-885 dövlət nömrə nişanlı “Schmitz” markalı yük maşının sürücüsü nəqliyyat vasitəsinin bütün işıqlarını söndürərək hərəkət edib. Nəticədə o, ərazidən keçən digər avtomobillər üçün qəza şəraiti yaradıb.

Şikayətçinin sözlərinə görə, sürücü yol boyu yük maşınını işıqsız idarə edib.

Qeyd edək ki, qanunvericiliyə əsasən gecə saatlarında və ya görünüşün məhdud olduğu yollarda işıq cihazlarının yanılı vəziyyətdə olması vacibdir.

Nərmin