"Gelandewagen”lə dirəşən "Prius" sürücüsü “maşınım ucuzdur, əzməkdən qorxmuram" dedi - VİDEO

Toy karvanında şou göstərən sürücünün videosu sosial şəbəkədə yayılıb.
Avtosfer.az-ın məlumatına görə, hadisə bir müddət əvvəl axşam saatlarında Sumqayıtda qeydə alınıb. Görüntüdən aydın olduğu kimi, 90-EU-079 dövlət nömrə nişanlı, “Mercedes-Benz G-Class” markalı avtomobilin sürücüsü təhlükəli manevrlər edib. Belə ki, o, öncə arxadan gələn maşına barmağıyla işarə edərək yol verməsini istəyib. Daha sonra isə manevr edərək digər zolağa keçməyə cəhd edib və yol verən sürücüyə qəza riski yaradıb. Bu zaman əsəbiləşən "Prius" sürücüsü ona yol verməyərək “Mənim maşınım ucuzdur, səninki bahadır. Qorxmuram maşın əzməkdən” deyə bildirib. 
Qeyd edək ki, sürücülər arasında mübahisə bir müddət davam edib. 
Xatırladaq ki, İnzibati Xətalar Məcəlləsinin 327.1-ci maddəsinə əsasən, 40 manat cəriməylə nəticələnir.

Nərmin