Gəncədə sərxoş halda yolu keçən iki piyadanı maşın vurdu

Gəncə şəhərində iki piyadanı avtomobil vurub. Avtosfer.az-ın "Report"a istinadən məlumatına görə, hadisə Yeni Gəncə qəsəbəsində qeydə alınıb. Belə ki, "VAZ-2106" markalı avtomobil yolu keçmək istəyən iki piyadanı vurub. Hər iki yaralı qəzanı törədən sürücü tərəfindən xəstəxanaya çatdırılıb. İlkin məlumatlara görə, yaralılardan birinin ayağı sınıb, digəri isə kəllə-beyin travması alıb. Bunlar Daşkəsən rayon sakinləri - 1972-ci il təvəllüdlü Etibar Bağırov və 1963-cü il təvəllüdlü Qafqaz Rəhimovdur. Onların sərxoş vəziyyətdə yolu keçdikləri bildirilir. 

Faktla bağlı araşdırma aparılır.