Güzgüyə baxmadan manevr edən sürücü az qala zəncirvari qəza törədirdi - REAL VİDEO

Xaçmaz rayonu, Zərifə Əliyeva küçəsində qayda pozan sürücü avtomobilin kamerasına düşüb.

Avtosfer.az-ın məlumatına görə, hadisə fevralın 2-də saat 16:50 radələrində qeydə alınıb.

Görüntülərdən məlum olur ki, 99-BA-221 dövlət nömrə nişanlı “Mercedes” markalı avtomobilin sürücüsü yolun kənarından hərəkətə başlayan zaman solda hərəkətdə olan nəqliyyat vasitəsinə məhəl qoymadan manevr edib.

Nəticədə o, 90-DM-598 dövlət nömrə nişanlı “VAZ-2115” markalı və əks istiqamətdə hərəkətdə olan nəqliyyat vasitələri üçün qəza şəraiti yaradıb.

Xoşbəxtlikdən, təhlükə ilə üzləşən sürücü bütöv xəttin tələbini pozaraq qarşı tərəfə keçib və baş verə biləcək toqquşmanın qarşısını alıb. 

Qeyd edək ki, bu cür halların baş verməməsi üçün sürücülər hərəkətə başlamazdan əvvəl yolu diqqətlə qiymətləndirməli, digər iştirakçıların üstünlük hüququna mütləq əməl etməlidirlər.

Nərmin