Güzgüyə baxmadan maşının qapısını açan sürücü qəzaya səbəb oldu - ANBAAN VİDEO

Binəqədi rayonu Sulutəpə qəsəbəsində baş vermiş qəza anbaan kameraya düşüb.
Avtosfer.az-ın məlumatına görə, hadisə martın 16-sı saat 14:39 radələrində qeydə alınıb. Belə ki, “KIA” markalı avtomobilin sürücüsü nəqliyyat vasitəsini obyektin qarşısında park edib və güzgüyə baxmadan qapını açıb. Bu zaman hərəkətdə olan “Khazar” markalı avtomobilin sürücüsü maşının qapısını vurub. Xoşbəxtlikdən qəza zamanı sürücü avtomobildə olub.
Xatırladaq ki, qanunvericiliyə görə nəqliyyat vasitəsinin qapılarının açılması yol hərəkətinin digər iştirakçıları üçün maneə yaradarsa, onları açmaq qadağandır. Bu halda qapını açıb qəzaya şərait yaradan sürücü məsuliyyət daşıyır və qarşı tərəfin də zərərini ödəməlidir.

Nərmin