Güzgüyə baxmadan sağa-sola keçən sürücü qəza şəraiti yaratdı - VİDEO

Bakı-Sumqayıt yolunda iki dəfə qayda pozan sürücü kameraya düşüb. Avtosfer.az xəbər verir ki, videogörüntü dekabrın 24-də qeydə alınıb. Belə ki, 10-UB-883 qeydiyyat nişanlı "Peugeot" markalı avtomobilin sürücüsü öncə bütöv xəttin tələbini pozaraq görüntünü qeydə alan sürücüyə maneə yaradıb, daha sonra isə dönmə işığını yandıraraq əvvəlki zolağa qayıdıb. Sürücü sonradan fikrini dəyişərək yenidən sol zolağa yerdəyişmə edən zaman qəza şəraiti yaradıb.

Qəzaların yaranmasına səbəb sürücülərin bir zolaqda qərar tuta bilməməsidir. Bu videodakı sürücü bütöv xəttin tələbini pozmadan hərəkət etsəydi, sonda sağa yerdəyişmə etdiyi zolağa gəlib çıxacaqdı. Lakin bu sürücü gah sola keçir, gah da sağa. Manevr edən zaman isə güzgüdən istifadə etmir. Sanki hamı buna yol verməlidir.

Leyla