Hamının kabusuna çevrilən "avtoş" sürücü şəhəri bir-birinə qatdı - DYP cəzalandırdı - VİDEO

Sumqayıt şəhərində avtoxuliqanlıq edən sürücü özünü videoya çəkərək sosial şəbəkədə paylaşıb. Avtosfer.az xəbər verir ki, 50-CL-278 qeydiyyat nişanlı "VAZ 2107" markalı avtomobilin sürücüsü şəhərin müxtəlif yerlərində mütəmadi olaraq kobud qayda pozuntuları törədib. Belə ki, şəhərin mərkəzi prospektində yüksək sürətlə hərəkət edən sürücü dəfələrlə svetoforun qırmızı işığında dayanmadan keçib. Eyni zamanda avtomobillərin arasından manevrlər edərək həm öz həyatını, həm də digər hərəkət iştirakçılarının həyatını təhlükə altında qoyub.

Əldə etdiyimiz məlumata görə, bu görüntülər 2023-cü ildə qeydə alınıb və həmin ilin may ayında Sumqayıt şəhər Dövlət Yol Polisi Şöbəsi tərəfindən sürücü barəsində qanuna mavafiq qaydada tədbir görülüb.

Könül