Harda təmirsiz yol varsa, deyin, təmir edək - Anar Nəcəfli

"Harda təmirsiz yol qalıbsa, deyin, təmir edək". Bu sözləri  Azəravtoyol ASC-nin mətbuat xidmətinin rəhbəri Anar Nəcəfli Media24.az-a bu gün sürücülərin ən çox şikayət etdiyi Binəqədi şossesində çuxurların və çökəklərin əmələ gəlməsi şikayəti ilə bağlı danışarkən deyib. Sürücülər iddia edir ki, maşını çökəkdən qaçırmağa məcburdurlar və bu zaman da qəzanın baş verməsi labüdləşir. A.Nəcəfli bildirib ki, bu məsələlər kökündən həll edilməlidir: "Binəqədi şossesində yola yamaq vurmaqla məsələni həll etmək mümkün deyil, bu məsələ kökündən həllini tapmalıdır. Kanalizasiya çəkildikdən sonra yenidən yol qurulmalıdır. 

Ötən il olduğu kimi bu il də “Azəravtoyol” ASC problemli yolların təmirinə start verib. Bu işlər mərhələli şəkildə aparılır. Yənir birdən-birə bütün problemli yolları təmir etmək mümkün deyil. Qeyd etmək istəyirəm ki, əgər qaşınmış yollarla qarşılaşırsınızsa, bu o deməkdir ki, həmin yolda artıq təmir işləri başlayıb. Harda təmirsiz yol qalıbsa, deyin, nəzarətə götürək və qısa müddətə təmir edək".