Hər yerdə qayda pozan sürücülər polisi görən kimi qanuna ikiqat əməl edirlər - VİDEO

Qaydaları pozan bəzi sürücülər, əksər hallarda yol polislərinin fəaliyyətindən narazılıq edirlər. Onlar qayda pozuntularına haqq qazandırmaq üçün radarların, kameraların, stasionar postların və yollarda xidmət aparan polis əməkdaşlarının sayının çox olmasından şikayətlənirlər. Həmin sürücülər elə düşünürlər ki, polis və müşahidə kameralarının olmadığı yerlərdə istədiklərini edə bilərlər. Ancaq nəzarəti hiss etdikləri anda davranışlarını dəyişib, qaydalara ikiqat riayət etməyə başlayırlar.

Belə hallardan biri Beyləqan rayonu ərazisində qeydə alınıb. "Chevrolet" markalı, 99-PU-092 dövlət nömrə nişanlı avtomobilin sürücüsü bütöv xəttin tələbini pozaraq əks istiqamətdə ötmə əməliyyatı edib. Bundan sonra qarşıdan yol polisi əməkdaşı gəldiyini görən sürücü, yolda müəyyən olunmuş 90 km/saat sürətdən də aşağı hərəkət edərək intizamlı davranış nümayiş etdirməyə başlayıb.

Buradan bir daha sübut olunur ki, yol polisi əməkdaşlarının xidməti bir çox intizamsız sürücüləri qəzalardan, ölümdən xilas edir.

Fərid