Hövsanda “KIA Rio” ilə “drift şou” göstərən sürücü - 77-XY-518 - VİDEO

Paytaxtın Suraxanı rayonu Hövsan qəsəbəsində yol hərəkəti qaydalarını kobud şəkildə pozan sürücünün videosu sosial şəbəkədə paylaşılıb.

Avtosfer.az-ın məlumatına görə, 77-XY-518 dövlət nömrə nişanlı “KIA Rio” markalı avtomobilin sürücüsü yolda təhlükəli manevrlər edib. Belə ki, yolun boş olmasından sui-istifadə edən sürücü əl əyləci vasitəsilə dəfələrlə avtomobili fırladaraq drift edib. Digər görüntüdə də o, döngəyə sərt daxil olub və bu zaman özüylə yanaşı maşındakı sərnişinin həyatını da təhlükəyə atıb.
Qeyd edək ki, sürücü bir müddət öncə ağır qəza törətdiyini rəy bölməsində bildirib.

Xatırladaq ki, sürücünün törətdiyi qayda pozuntusu avtoxuliqanlıqlıq göstəricilərinə əsaslandığı üçün İnzibati Xətalar Məcəlləsinin 511.1-ci maddəsiylə nizamlana bilər.

Nərmin