İcazə verilən saatda avtobus zolağına girən sürücü yenidən cərimələndi: "Dərdimizi kimə deyək?" - VİDEO

Bakıda növbəti dəfə haqsız yerə cərimələndiyini iddia edən sürücü "Dərdimizi kimə deyək" başlıqlı videogörüntünü sosial şəbəkədə paylaşıb. Avtosfer.az xəbər verir ki, Şamxal Əsgərov adlı sürücü idarə etdiyi 77-GB-023 qeydiyyat nişanlı "Chevrolet" markalı avtomobillə avtobus zolağına daxil olarkən kamera vasitəsilə cərimələnib.

Hadisə sentyabrın 16-da, saat 15:34-də paytaxtın Ziya Bünyadov prospektində baş verib. Nişanın üzərində 07:00-dan 10:00-dək və 17:00-dan 20:00-dək avtobus zolağına daxil olmaq qadağan edilib. Sürücü avtobus zolağına 15:34 radələrində daxil olduğu üçün yazılmış cərimənin düzgün olmadığını bildirir.

O, avqustun 12-də eyni yolda qadağan olunmamış saatda avtobus zolağında hərəkət etdiyi üçün cərimələnmişdi.

Fərid