İki zolağın birini zəbt edən sürücü yolda sıxlığa səbəb oldu - VİDEO

Bakıda dayanma-durma qaydasının pozulduğu yollardan biri də paytaxtın Abdulla Şaiq küçəsidir. Avtosfer.az xəbər verir ki, Statistika Komitəsinin yaxınlığında dayanma-durmanı qadağan edən nişanın olmasına baxmayaraq sürücülər mütəmadi olaraq qaydaları pozurlar. Belə sürücülərdən birinin görüntüsü avtomobildəki kameraya qeyd olunub.

Noyabrın 3-də qeydə alınmış videoda aydın şəkildə görünür ki, 10-AS-343 qeydiyyat nişanlı "Toyota" markalı avtomobilin sürücüsü düzünə hərəkət təşkil edilmiş iki zolağın birini zəbt edərək hərəkətə çətinlik yaradıb. Sağ zolaqla hərəkət edən avtomobillər məcburi şəkildə sol zolağa manevr etməli olurlar. Bu səbəbdən yolda sıxlıq yaranır.

Sözügedən videonu təqdim edirik.

Fərid