İşıqforda gözləməyə səbri çatmadı, əks yola çıxıb təhlükə yaratdı - 23-BN-704 - VİDEO

Mehdiabad-Novxanı yolunda qayda pozan sürücünün görüntüsü avtomobilin videoregistratoruna düşüb.

Avtosfer.az-ın məlumatına görə, hadisə aprelin 1-də saat 09:20 radələrində qeydə alınıb. Videodan da məlum olduğu kimi, 23-BN-704 dövlət nömrə nişanlı “VAZ-2107” markalı avtomobilin sürücüsü
işıqforun qırmızı işığında gözləmək istəmədiyi üçün əks istiqamətli yola çıxıb və bu vaxt qarşı tərəfdən gələn nəqliyyat vasitəsinə təhlükə yaradıb. Xoşbəxtlikdən görüntünü qeydə alan ehtiyatlı davranaraq sağa manevr edib və qəzadan xilas olub.

Xatırladaq ki, bu xəta İnzibati Xətalar Məcəlləsinin 327.4-cü maddəsilə 4 bal 150 manat cəriməylə nəticələnir.

Nərmin