İstiqamətini dəyişmək istəyən sürücü ən sağ zolağa keçib qəza riski yaratdı - VİDEO

Paytaxtın Heydər Əliyev prospektində kobud qayda pozan sürücü anbaan kameraya düşüb.

Avtosfer.az-ın məlumatına görə, hadisə avqustun 1-də saat 16:30 radələrində “Koroğlu” metrosunun önündə qeydə alınıb. Hərəkətdə olan 10-PR-097 dövlət nömrə nişanlı “BMW” markalı avtomobilin sürücüsü manevr qaydasını pozub. Belə ki, o, hərəkətdə olduğu zolaqdan birbaşa ən sağ zolağa keçib və bu zaman görüntünü qeydə alan sürücüyə qəza riski yaradıb. Bununla kifayətlənməyən sürücü təhlükəsizlik adacığını tapdalayaraq istiqamətini dəyişib.

Qeyd edək ki, bu qayda pozuntusu İnzibati Xətalar Məcəlləsinin 327.1-ci maddəsinə əsasən 40 manat cəriməylə nəticələnir.

Nərmin