İmişlidə motosikl avtomobillə toqquşub, 1 yaralı

İmişlidə 1 nəfərin xəsarət alması ilə nəticələnən yol qəzası baş verib. Avtosfer.az “Report”a istinadən xəbər verir ki, hadisə bu gün axşam saatlarında şəhərin Heydər Əliyev prospektində qeydə alınıb. Motosikletlə “Mercedes” markalı minik avtomobilinin toqquşması nəticəsində sürücülər xəsarətsiz ötüşsə də, motosikldə olan rayonun Qaralar kənd sakini, 1977-ci il təvəllüdlü Məmmədova Şamama Kamil qızı müxtəlif dərəcəli bədən xəsarətləri alıb. Yaralı İmişli Rayon Mərkəzi Xəstəxanasına yerləşdirilib.

Faktla bağlı araşdırma aparılır.