İnsanların həyatını təhlükəyə atan avtobus sürücüsü: Yolu kəsib qapıları açdı... - VİDEO

Bakıda yol hərəkəti qaydasını pozan avtobus sürücüsünün görüntüsü sosial şəbəkədə yayılıb. Avtosfer.az xəbər verir ki, hadisə paytaxtın Cavadxan küçəsində qeydə alınıb. Belə ki, "BakuBus"a məxsus 67441 eyniləşdirmə kodu üzrə fəaliyyət göstərən avtobusun sürücüsü kobud qayda pozuntusu törədib. O, sol zolaqda dayanaraq öncə yolu kəsib, daha sonra isə qapısını açaraq sərnişini təhlükəli şəkildə düşürüb.

İnzibati Xətalar Məcəlləsinin 346.3-cü maddəsində qeyd olunub ki, ümumi istifadədə olan nəqliyyat vasitəsini sərnişinləri mindirmək və ya düşürtmək üçün bu məqsədlə xüsusi olaraq müəyyən edilmiş dayanacaq meydançalarından və ya 5.12, 5.13 nişanları ilə işarələnmiş dayanacaq yerlərindən kənarda dayandırmağa görə, 4 bal 100 manat məbləğində cərimə nəzərdə tutulub.

Fərid