Kameranın yoxluğundan sui-istifadə edib avtobusun arxasıyca zolağa girdilər - VİDEO

Paytaxtın əksər küçə və prospektlərində avtobus zolaqları təşkil olunub. Lakin bir qisim sürücülər yolların bəzi hissələrində kameraların olmamasından istifadə edərək avtobus zolağına daxil olurlar. Lakin qayda pozan həmin sürücülər kameranın olduğu yerə çatanda sola manevr edərək digər hərəkət iştirakçılarına qəza şəraiti yaradaraq tıxaca səbəb olurlar.

Avtosfer.az xəbər verir ki, Sabunçu-Zabrat yolunda avtobus zolağına girən sürücülər avtomobilin kamerasına düşüb. Kadrdan da göründüyü kimi, 77-AG-230 dövlət nömrə nişanlı “Chevrolet” markalı, 90-XO-490 dövlət nömrə nişanlı “Mercedes” markalı, 99-NY-528 dövlət nömrə nişanlı “BMW” markalı, 77-PZ-023 dövlət nömrə nişanlı “Chevrolet” markalı, 77-CY-394 dövlət nömrə nişanlı “Toyota Prius” markalı, 90-UO-757 dövlət nömrə nişanlı “VAZ-2121” markalı və 90-UL-010 dövlət nömrə nişanlı “Geely” markalı avtomobillərin sürücüləri kameranın olmadığı nöqtədən zolağa giriblər.

Hadisə şahidinin sözlərinə görə, sözügedən sürücülər irəlidə (kameranın çəkdiyi yerdə) sol zolağa keçərək digər avtomobillərin hərəkətinə əngəl törədiblər. 

Nərmin