Keçiddə piyadaya yol verməyən sürücü az qala onu vuracaqdı - ANBAAN VİDEO

Paytaxtın Binəqədi rayonu, Süleyman Sani Axundov küçəsində qayda pozan sürücü avtomobil kamerasına düşüb.

Avtosfer.az-ın məlumatına görə, hadisə oktyabrın 8-də saat 21:07 radələrində qeydə alınıb. Belə ki, 77-VB-027 dövlət nömrə nişanlı “Geely” markalı avtomobilin sürücüsü keçiddən keçən piyadaya əhəmiyyət vermədən hərəkətini davam etdirib.

Kadrda, görüntünü qeydə alan sürücünün isə dayanaraq piyadaya yol verdiyi açıq şəkildə görünür. Hadisə şahidinin sözlərinə görə, yolu keçən kişi maşına dəyməkdən son anda xilas olub.

Hadisə bir daha göstərir ki, sürücülər nəzarətsiz və işıqlı keçidlərdə piyadalara yol verməli, onların təhlükəsizliyinə diqqət yetirməlidirlər.

Nərmin