Keçiddən keçməyən piyada dəqiqələrlə yolun ortasında qaldı - VİDEO

Paytaxtda qayda pozan piyadanın görüntüsü sosial şəbəkələrdə müzakirələrə səbəb olub.
Avtosfer.az-ın məlumatına görə, hadisə bir neçə gün əvvəl günorta saatlarında qeydə alınıb. Videodan göründüyü kimi, ərazidə piyadalar üçün ayrılmış yeraltı keçidin olmasına baxmayaraq gənc oğlan özünü təhlükəyə atmağı seçib. Belə ki, o, avtomobillərin intensiv hərəkətdə olduğu yolun ortasında dayanaraq digər tərəfə keçməyə çalışıb. Lakin qayda pozan gənc dəqiqələrlə bordürün üzərində gözləyib. 
Qeyd edək ki, piyada vurulmasıyla nəticələnən qəzalarda hər zaman sürücü səbəbkar olmur. Qayda pozub həyatını təhlükəyə atan piyadalar da kifayət qədərdir. Onların əksəriyyəti isə videodakı piyada kimi yaxınlıqda olan keçidləri gözardı edərək yoldan keçənlər olur.

Nərmin