Keçidin yaxınlığında qayda pozan piyadalar - BİRİ TANINMIŞ POLİTOLOQDUR - VİDEO

Bakıda piyadaların yol hərəkəti qaydalarını pozaraq öz həyatlarını riskə atdıqları anlar kameraya düşüb. Avtosfer.az xəbər verir ki, görüntülər iki ayrı məkanda qeydə alınıb.

Belə ki, Lev Landau küçəsində (Hüseyn Cavid parkının qarşısında) lentə alınan videoda orta yaşlı bir kişinin piyada keçidinə yaxın ərazidə, lakin nəzərdə tutulmamış yerdən yolu keçdiyi görünür.

Digər hadisə isə Atatürk prospektində baş verib. Burada, yerüstü piyada keçidinin olmasına baxmayaraq, yaşlı bir kişi yolun müəyyən olunmamış hissəsindən qarşı tərəfə keçib, daha sonra isə geri qayıdıb.

Təəssüf ki, hər iki halda piyadalar təhlükəsiz keçid imkanları mövcud olduğu halda qaydaları pozaraq öz həyatlarını təhlükə altına atıblar.

Qeyd edək ki, videodakı qayda pozan 1-ci piyada tanınmış politoloq İlyas Hüseynovdur.

Fərid