Kəmər taxmır, əllərini də sükandan çəkib "Tiktok" üçün video hazırlayır - VİDEO

Avtosfer.az-ın əldə etdiyi məlumata görə, yol hərəkəti qaydalarını kobud şəkildə pozan xanım sürücü artıq yol polisi tərəfindən cərimələnib.

***

Bakıda yol hərəkəti qaydalarını pozan sürücü qeydə aldığı videoları sosial şəbəkə hesabında paylaşıb. Avtosfer.az xəbər verir ki, 10-YB-413 dövlət qeydiyyat nişanlı “KIA” markalı avtomobilin sürücüsü sükan arxasında “TikTok” üçün video çəkərkən bir sıra qaydaları pozub.

Videodan göründüyü kimi, sürücü nəqliyyat vasitəsini idarə edərkən təhlükəsizlik kəmərindən istifadə etməyib. Eyni zamanda hərəkət zamanı əllərini sükandan çəkərək avtomobili nəzarətsiz vəziyyətdə buraxıb. Bu cür davranış həm özünün, həm də digər hərəkət iştirakçılarının təhlükəsizliyi üçün ciddi risk yaradır.

Qeyd edək ki, sürücünün bu hərəkətləri qaydalara zidd olmaqla yanaşı, sosial şəbəkələrdə belə görüntülərin paylaşılmasının digər sürücülər üçün mənfi nümunə yaratmasına səbəb ola bilər.

Əldə etdiyimiz məlumata görə, sürücü barəsində qanunamüvafiq tədbir görülüb.

Fərid