Kobud qayda pozan sürücü kameradan yayınmaq üçün bu üsula əl atdı - VİDEO

Zabrat-Maştağa yolunda kobud qayda pozan sürücü avtomobilin videoregistratoruna düşüb.

Avtosfer.az-ın məlumatına görə, hadisə iyulun 7-də saat 12:57 radələrində qeydə alınıb. Belə ki, 99-EQ-649 dövlət qeydiyyat nişanlı “BYD” markalı avtomobilin sürücüsü işıqforun qadağanedici işığında yolayrıcına daxil olub. Üstəlik o, təhlükəsizlik kamerasının nəzarət zonasından yayınmaq üçün işıqforun arxa hissəsindən keçib.

Qeyd edək ki, işıqforun qırmızı işığında hərəkətin davam etdirilməsi yolayrıcında hərəkətin təhlükəsizliyini ciddi şəkildə pozur və digər hərəkət iştirakçılarını qəza riski ilə üz-üzə qoyur.

Xatırladaq ki, bu qayda pozuntusu İnzibati Xətalar Məcəlləsinin 327.2-ci maddəsinə əsasən 3 bal və 100 manat məbləğində cəriməylə nəticələnir.

Nərmin