Küçəni zibilləyib "əcəb edirəm" deyən "Land Cruiser" sürücüsü cərimələndi - VİDEO

Paytaxtın Sabunçu rayonu, Bakıxanov qəsəbəsi, Sülh küçəsində yola zibil atan sürücü cərimələnib. Bu barədə Avtosfer.az-a Dövlət Yol Polisi İdarəsindən məlumat verilib. Belə ki, 99-OA-329 dövlət nömrə nişanlı, "Toyota Land Cruiser" markalı avtomobilin sürücüsü avtomobildən küçəyə zibil atıb. Digər sürücü yaxınlaşıb iradını bildirmək istəyən zaman, o, kobud şəkildə cavab verərək "Əcəb eləyirəm, mənə "priçina" tutursan" deyib. Daha sonra isə avtomobili sürərək yenidən ona irad bildirən sürücüyə yaxınlaşıb və kobud ifadələr işlətməyə başlayıb.

Videogörüntüyə baxış keçirildikdən sonra sürücü müəyyən edilib və onun barəsində İnzibati Xətalar Məcəlləsinin 327.1-ci maddəsi ilə protokol tərtib edilib.

Fərid