Kütləvi şəkildə qayda pozan sürücülər hərəkəti iflic etdilər - VİDEO

Bakıda yolayrıcının keçilməsi qaydasını pozan sürücülər yolu bağlayıblar. Avtosfer.az xəbər verir ki, hadisə paytaxtın Ənvər Qasımzadə küçəsi ilə Azadlıq prospektinin kəsişməsində baş verib. Belə ki, Azadlıq prospekti ilə hərəkət edən sürücülər kəsişmə yerindən sonra tıxac yaranmasına baxmayaraq yolayrıcına daxil olublar. Hərəkət dayandığı üçün onlar yolayrıcında qalaraq Ənvər Qasımzadə küçəsi ilə hərəkət edən sürücülərin qarşısını kəsiblər.

"Yol hərəkəti haqqında" qanunun 75-ci maddəsində qeyd olunub ki, əgər yolayrıcından və ya kəsişmə yerindən bilavasitə sonra tıxac yaranıbsa və bu, sürücünü dayanmağa məcbur edərək digər istiqamətlərdən gələn nəqliyyat vasitələrinin hərəkəti üçün maneə yaradacaqsa, sürücünün belə yolayrıcına və ya kəsişmə yerinə daxil olması qadağandır. Bu xətanı törədən sürücüləri 3 bal 80 manat məbləğində cərimə gözləyir.

Fərid