Kütləvi şəkildə qayda pozub cərimələnsə də özünə yığışmayan sürücü - 99-OL-387 - VİDEO

Qəzaya düşüb cərimələnsə də qayda pozmağa davam edən sürücü videolarını “TikTok” sosial şəbəkə hesabında paylaşıb.

Avtosfer.az xəbər verir ki, əks yolda hərəkətdə olan 99-OL-387 dövlət nömrə nişanlı “Mercedes” markalı avtomobilin sürücüsü təhlükəsizlik adacığının tələbini pozaraq istiqamətini dəyişib. Bu xətaya görə cərimələnən sürücü ardınca görüntünü sosial media hesabında paylaşıb. Digər kadrda isə o, qəzaya düşdüyü videonu sosial şəbəkə istifadəçiləri ilə bölüşüb. Lakin sürücü cərimələnməsinə baxmayaraq maşının şüşələrinə plyonka çəkərək ön dövlət nömrə nişanı olmadan idarə etdiyi videoları “TikTok” hesabında paylaşıb. 

Təəssüf ki, bir qisim gənc sürücülər törətdikləri qayda pozuntularının, ödədikləri cərimələrin, səbəb olduqları qəzaların görüntüsünü qəhrəmanlıq edirmiş kimi sosial şəbəkə hesablarında paylaşırlar və bununla da yeniyetmələrə pis örnək olurlar. İşin ən acınacaqlı tərəfi isə bu dalğaya qoşulan sürücülərin sayı getdikcə artmaqdadır.

Nərmin