“Lamborghini” və “BMW” ilə sürət yarışı keçirən 4 sürücü saxlanıldı – İş məhkəməyə düşdü - VİDEO

Şəhərin mərkəzində sürət yarışına çıxan 4 sürücü saxlanılıb. Avtosfer.az xəbər verir ki, Türkiyənin İstanbul şəhərində baş verən hadisənin kadrları sosial şəbəkədə paylaşılıb.

Belə ki, Arnavutköydə mərkəzi küçələrin birində iki “Lamborghini Huracan STJ”, “BMW” markalı avtomobillərin sürücüləri və motosikletçi hərəkətin intensiv olan vaxtı sürət yarışına çıxaraq həm özlərinin, həm də digər hərəkət iştirakçılarının həyatını təhlükəyə atıblar.

Sürət həddini aşmaqla qayda pozan sürücülərin bu hərəkətləri həvəskar kamera tərəfindən qeydə alınaraq sosial şəbəkədə yayımlanıb. İstanbul polisi paylaşılan görüntülərlə bağlı araşdırma apararaq qayda pozan sürücüləri müəyyən ediblər və 4 sürücü saxlanılıb.

Onlara qarşı Cinayət Məcəlləsinin müvafiq maddələri ilə məhkəmə prosesi başlanıb.

Bundan əlavə, onlar cərimələniblər.

Sözügedən hadisənin anbaan videosunu təqdim edirik:

Namiq Musayev