Luks “BMW”siylə piyadaların yolunu kəsən sürücü CƏRİMƏLƏNDİ

Qaydalar 9 İyul 2024 19:03 Oxunub 868
Luks “BMW”siylə piyadaların yolunu kəsən sürücü CƏRİMƏLƏNDİ
WhatsApp kanalımıza abunə ola bilərsiniz

Paytaxtın Süleyman Rüstəm küçəsində dayanma-durma qaydasını pozan sürücü cərimələnib.

Bakı şəhər Dövlət Yol Polisinin İctimaiyyətlə Əlaqələr Şöbəsinin rəisi polkovnik-leytenant Rövşən Tağıyev Avtosfer.az-a bildirib ki, 77-AA-708 dövlət nömrə nişanlı “BMW” markalı avtomobilin sürücüsü müəyyən edilib və onun barəsində Azərbaycan Respublikasının İnzibati Xətalar Məcəlləsinin 346.1-ci maddəsinə əsasən, protokol tərtib edilib. 

Qeyd edək ki, sözügedən sürücüylə baəlı bir müddət öncə saytımızda xəbər dərc olunmuşdu. Belə ki, o, avtomobili səkidə park edərək piyadaların hərəkətini məhdudlaşdırmışdı. 

Məsələylə bağlı Rövşən Tağıyev sürücülərə müraciət ünvanlayıb: “Bir daha bütün sürücülərdən piyadaların rahat və təhlükəsiz hərəkətinə maneə yaradan hərəkətlərdən çəkinməyi xahiş edirik. Nəzərə almaq lazımdır ki, belə qayda pozuntuları bütün piyadalara, xüsusən də uşaqlara, yaşlılara, fiziki məhdudiyyətli insanlara və uşaq arabası ilə hərəkət edən şəxslərə ayrıca problem yaradır”.

Nərmin

 

ŞƏRH YAZ
Ad

E-mail

Şərh