Lyuks avtomobillərlə səkiləri zəbt edənlər - FOTO

Hələ ötən gün bir sıra obyekt sahiblərinin paytaxtın mərkəzi küçə və prospektlərində səkiləri özəlləşdirməsi ilə bağlı xəbər dərc etmişdik. Buna baxmayaraq yenə eyni ərazilərdə, demək olar, eyni şəxslər tərəfindən piyadaların hərəkəti üçün nəzərdə tutulmuş ərazilər zəbt edilir.

Avtosfer.az xəbər verir ki, Bakının Nərimanov rayonunda lyuks avtomobilini səkidə park edən sürücünün avtomobilini ərazidə yaşayan sakinlər çəkərək sosial şəbəkədə paylaşıb.

Belə ki, rayonun 28 May küçəsində 10-DO-660 qeydiyyat nişanlı “Lexus” markalı avtomobilin sürücüsü maşını səkiyə dırmaşdıraraq piyadaların hərəkətinə maneə yaradıb.

Eyni zamanda Nərimanov rayonu Nəsib bəy Yusifbəyli küçəsindəki avtomobillərin də səkidə parklanması ərazidə yaşayan vətəndaşalr tərəfindən narazılıqla qaşrılanıb.

Sakinlər aidiyyəti qurumların məsələni tezliklə həll etməsini xahiş edir.

Səfər