Mahnıya səs verib Yasamalın canına düşən sürücü qaydaları pozdu - VİDEO

Bakıda qaydaları pozan sürücü hərəkətə mane olub. Avtosfer.az xəbər verir ki, hadisə sentyabrın 29-da, paytaxtın Əsəd Əhmədov küçəsində qeydə alınıb. Belə ki, 90-NX-071 qeydiyyat nişanlı "Niva" markalı avtomobilin sürücüsü sıxlıqda gözləməmək üçün əks yola çıxıb. O, yolayrıcına qədər qarşı zolaqla hərəkət edərək svetoforun önündə dayanmalı olub. Bu zaman əks tərəfdən gələn avtomobillərin hərəkətinə mane olub.

Qeyd edək ki, asfalt üzərində əks istiqamətli zolağı ayıran nişanlanma xətləri silinməsinə baxmayaraq, sürücü tıxac zamanı qarşı hərəkət zolağına çıxmamalıdır. Çünki qanunvericilikdə qeyd olunub ki, yolda nişanlanma xətləri olmadığı halda sürücü yolun eninə uyğun olaraq zolaqları nəzərə almalıdır.

Fərid