Manevr qaydasını pozub gözlənilməz təhlükə yaradan sürücü CƏRİMƏLƏNDİ - VİDEO - YENİLƏNİB

Bakı şəhər Dövlət Yol Polisi İdarəsindən Avtosfer.az-a verilən məlumata görə, 77-QA-907 qeydiyyat nişanlı "Range Rover" markalı avtomobilin sürücüsü müəyyən edilib. Məlum olub ki, həmin zaman avtomobili Araz Adilzadə idarə edib. O, törətdiyi qayda pozuntusuna görə, İnzibati Xətalar Məcəlləsinin 327.1-ci maddəsilə 40 manat məbləğində cərimə tətbiq edilib.

***

Bakıda manevr qaydasını pozan sürücü təhlükəli anlar yaşadıb. Avtosfer.az xəbər verir ki, hadisə aprelin 4-də, paytaxtın Nəriman Nərimanov prospektində qeydə alınıb. Belə ki, 77-QA-907 qeydiyyat nişanlı "Range Rover" markalı avtomobilin sürücüsü güzgüyə baxmadan sağa manevr edib. Daha sonra isə qəfil tormoz verərək görüntünü qeydə alan avtomobilə qəza şəraiti yaradıb. Təhlükə ilə üzləşən sürücü sərt tormoz verərək qəzadan son anda yayına bilib.

Fərid