Masazırda avtobus dayanacağı yük maşınlarının parkinq yerinə çevrilib - VİDEO

Abşeron rayonu, Masazır qəsəbəsi, Ağqoyunlu küçəsində dayanma-durma qaydalarını pozan sürücülər görüntülənib.

İzləyicilərdən biri Avtosfer.az-ın “Whatsapp” ünvanına video göndərib.

Kadrlardan görünür ki, 77-MN-524 dövlət nömrə nişanlı “Mercedes Axor” markalı və 01-CM-032 dövlət nömrə nişanlı “Ford” markalı yük maşınlarının sürücüləri avtobuslar üçün ayrılmış dayanacağı zəbt ediblər.

Nəticədə avtobus sürücüləri sərnişinləri dayanacaqdan kənarda mindirib-düşürmək məcburiyyətində qalıblar.

Şikayətçinin iddiasına görə, sözügedən sürücülər nəqliyyat vasitələrini demək olar ki, hər gün eyni ərazidə - dayanacaqda park edirlər.

Nərmin