Masazırda biabırçı mənzərə: Təcili yardımın qarşısını kəsib yol vermədilər - VİDEO

Masazır qəsəbəsində təcili tibbi yardım avtomobilinə yol verməyən sürücülərin görüntüsü avtomobildəki kameraya düşüb. Avtosfer.az xəbər verir ki, hadisə Əliağa Vahid küçəsində qeydə alınıb.

Belə ki, xüsusi səs siqnalını qoşaraq hərəkət edən təcili yardım avtomobili qarşıdakı sürücülərdən yol istəyir. Lakin 77-DF-621 qeydiyyat nişanlı "Toyota Prius" markalı avtomobilin sürücüsü onun qarşısı ilə hərəkət edərək yol verməyib. Bir az irəlidə digər sürücü də eyni hərəkətə yol verib. 01-CR-557 qeydiyyat nişanlı "KIA" markalı avtomobilin sürücüsü xüsusi səs siqnalını eşitsə də yolun sol kənarı ilə hərəkətinə davam edib. Hətta əlini bayıra çıxararaq təcili yardım sürücüsünə "əks yolla get" işarəsi verib.

Qeyd edək ki, bu əmələ görə, hər iki sürücü inzibati qaydada məsuliyyətə cəlb edilə bilər.

Fərid