Masazırda motosikleti bir təkər üzərində sürən sürücü insanları qorxuya salır - VİDEO

Bakıda motosikletlə xuliqanlıq edən sürücünün videosu sosial şəbəkədə yayılıb. Avtosfer.az xəbər verir ki, Nurlan Kərəmov adlı gənc idarə etdiyi motosikletlə dəfələrlə kobud qayda pozuntuları törədib.

Belə ki, sürücü Masazır qəsəbəsi ərazisində motosikleti gah qabaq, gah da arxa təkəri üstə sürərək öz həyatını təhlükə altına atıb. Digər videolarda isə, o avtomobillərin arası ilə sərt manevr və ötmə əməliyyatları edərək sürücülərə çətin anlar yaşadıb.

Videogörüntüdəki gənc sürücü etdiyi hərəkətlərin nə qədər təhlükəli olduğunu çox təəssüf ki, anlamır. Motosiklet və mopedlər yol hərəkətində təhlükəsizlik elementlərinə görə, ən zəif nəqliyyat vasitələri sırasındadır. Lakin çox təəssüf ki, bu nəqliyyat vasitələrini idarə edənlərin bəziləri bundan oyuncaq kimi istifadə edir. 

Fərid