Masazırda qayda pozan taksi sürücüsü üstəlik piyadanı islatdı - VİDEO

Abşeron rayonu, Masazır qəsəbəsində qayda pozan sürücü avtomobilin kamerasına düşüb.

Avtosfer.az-ın məlumatına görə, hadisə iyulun 7-də saat 09:51 radələrində qeydə alınıb. Kadrdan da göründüyü kimi, taksi fəaliyyəti ilə məşğul olan 90-YE-858 dövlət nömrə nişanlı “KIA” markalı avtomobilin sürücüsü manevr qaydasını pozub. Belə ki, sağa keçən sürücü görüntünü qeydə alan avtomobilə qəza şəraiti yaradıb. Ardınca o, yolun yaş olmasına əhəmiyyət vermədən avtomobili yüksək sürətlə idarə edib və bu vaxt səkiylə hərəkətdə olan piyadaya su sıçradıb. Nəticədə çətin vəziyyətdə qalan qadın islanıb. 

Xatırladaq ki, yollarda  piyadalara və  digər nəqliyyat vasitələrinə qəsdən su və ya palçıq sıçradılmasına görə İnzibati Xətalar Məcəlləsinin 342.1.5-ci maddəsinə əsasən, sürücülər 40 AZN məbləğində cərimə olunur. 

Nərmin