Masazırda sürücü qırmızı işıqda yolayrıcına girdi – 10-MR-414 - VİDEO

Abşeron rayonu, Masazır dairəsində qayda pozan sürücü avtomobilin kamerasına düşüb.

Avtosfer.az-ın məlumatına görə, hadisə oktyabrın 6-da saat 12:32 radələrində qeydə alınıb.

Videodan göründüyü kimi, 10-MR-414 dövlət nömrə nişanlı “Toyota” markalı avtomobilin sürücüsü işıqforun qırmızı işığında hərəkətini davam etdirərək yolayrıcına daxil olub. Bu zaman o, soldan gələn nəqliyyat vasitələrinə təhlükə yaradıb. Lakin sürücülər ehtiyatlı davranaraq “Toyota” keçdikdən sonra hərəkətə başlayıblar. 

Xatırladaq ki, bu qayda pozuntusu İnzibati Xətalar Məcəlləsinin 327.2-ci maddəsinə əsasən 3 bal və 100 manat məbləğində cəriməylə nəticələnir.

Nərmin