Maşına oturan kimi əlindəki zibilləri küçəyə atdı - VİDEO

Xırdalan şəhərində yol hərəkəti qaydasını pozan sürücünün görüntüsü kameraya düşüb. Avtosfer.az xəbər verir ki, hadisə Mehdi Hüseynzadə küçəsində qeydə alınıb.

Belə ki, 90-LX-805 qeydiyyat nişanlı "Mercedes" markalı avtomobilin sürücüsü hərəkətə başlayan zaman əlindəki zibilləri bayıraq ataraq küçəni zibilləyib. Avtomobildə tullantıları saxlamaq üçün kifayət qədər boş yerlərin olmasına baxmayaraq, çox təəssüf ki, əksər sürücülər yolu bu cür zibilləyirlər.

Bu cür məsuliyyətsiz davranışlar təkcə yol hərəkəti mədəniyyətinə zidd olmaqla kifayətlənmir, həm də şəhərimizin ekoloji vəziyyətinə mənfi təsir göstərir. Təəssüf doğuran hal ondan ibarətdir ki, bir çox sürücülər bu məsuliyyətsizliyi adi vərdişə çeviriblər. Nəticədə hər kəsin "kiçik" hesab etdiyi bir zibil şəhərin müxtəlif nöqtələrində çirklənməyə və uzun müddət ərzində təmizlənməyən zibillik sahələrinin yaranmasına səbəb olur.

Fərid